2015-2016 оны Улсын Cэтгэх чадварын XIV олимпиадын III даваа

Монгол хүүхдийн оюуны чадварыг бага наснаас нь хөгжүүлж, баталгаажуулах, оюун ухааныг дээдлэн эрхэмлэж, дэмжин хөхиүлэх үзэл санааг дэлгэрүүлэх зорилготой “Улсын сэтгэх чадварын XIV олимпиад”-ын III даваа 2016 оны 04 сарын 29-30-ний өдрүүдэд Улаанбаатар хотноо Шинэ Эрин олон улсын лаборатори сургууль дээр явагдана. Олимпиадын III даваанд 21 аймаг, 9 дүүрэг тус бүрээс олимпиадад X-XI, XII анги болон Бүтээлч багшийн ангилалд тэргүүн байр эзэлсэн 2 сурагч 1 багш оролцоно.

Бүртгэл Хэн: Аймаг, дүүргийн бүтээлч багшаар шалгарсан багш, хоёр сурагч Хэзээ: 2016.IV.27-28 - ний өдрүүдэд 09.00-18.00 цагийн хооронд Хаана: “Оюуны чадварын IQ төв” -н байранд Бүртгүүлэхдээ: 1. Аймаг, дүүргийн Боловсролын Газрын II давааны олимпиадаас шалгарсныг батлах тодорхойлолт. 2. Цахим үнэмлэх /төрсний гэрчилгээ/ 3. 2 хувь /3х4/ цээж зурагтай ирж бүртгүүлнэ.

Олимпиад 2016.IV.29-30 өдрүүдэд 09:00 цагт БГД-ийн "Шинэ Эрин" лаборатори сургууль дээр эхэлнэ.

Зураг. Улсын Сэтгэх чадварын XIII олимпиад 2015.04.24

Улсын Cэтгэх чадварын олимпиадыг зохион байгуулах дэд хороо, Оюуны чадварын IQ төвийн сургалтын алба