Улсын сэтгэх чадварын олимпиад нь Оюуны чадварын IQ төв, ММБА, Хан-Уул дээд сургуулийн санаачлагаар 2003 онд анх зохион байгуулагдсан. 2004 онд БСШУ-ны сайдын тушаалаар улсын төрөлжсөн олимпиадуудын нэг болсон бөгөөд 17 дахь  удаагийн олимпиад 2019 оны V сард Улаанбаатар хотноо зохион байгуулагдсан. 
Монгол хүүхдийн оюуны чадварыг бага  наснаас нь хөгжүүлж,  оюуны  өндөр чадвартай  сурагч, багачуудыг илрүүлэх, чадварыг нь баталгаажуулах, оюун ухааныг  дээдлэн, дэмжин  хөгжүүлэх үзэл санааг түгээн дэлгэрүүлэхэд олимпиадын зорилго оршино.
Олимпиадын даалгавар нь сурагчдын сэтгэлгээний түвшин, сэтгэх хурд, цэцийг сорих бөгөөд жил ирэх тутам даалгаврын түвшин шалгуурыг ахиулж байна.